مساجلة الشعر الشعبي العراقي الابوذية

**سلام العالي** · 06-17-2006, 08:11 AM

بسمه تعالى .. اللهم صل على محمد وال محمد .. السلام عليكم ورحمة الله وبركاته .. يتميز الشعر الشعبي العراقي بتعدد
انواعه واغراضه ومسمياته .. فالدارمي.. سبق وان تناولته الاخت رجاوي ..بمساجلتها ..وهناك القصائد الشعبية الطويله
من ابرزها اشعار الشاعر العراقي عريان السيد خلف .. والشاعر صاحب الضويري .. ومظفر النواب .. والعشرات من المبدعين واذكر منهم الشاعر عباس عرد الخزاعي ..والسيد عباس الموسوي وكاظم اسماعيل كاطع وعباس جيجان ...الخ
من الاسماء اللامعة في سماء الادب العراقي الشعبي ..
ويسرني ان افتح موضوع لنوع جديد من المساجله الشعرية العراقية لما يسمى بشعر الابوذيه وسمي بهذا الاسم لان كلمة الابوذيه تعني ((ابو الاذية )) اي الشعر الذي يحمل مسحة الحزن والالم اي يؤذي القلب وهي سمه عامه من سمات الشعر الشعبي العراقي وخاصه الجنوب لما تعرض له الناس من الجور والاضطهاد خلال العهود المتعاقبة عليهم ..
ولا تقتصر المساجله هذه على الابوذيه فقط بل كل انواع المقطوعات الشعريه الاخرى المهم موضوع القصيدة او المقطوعه واوضح ان في الشعر العراقي المشار اليه ثلاثة ابيات وتنتهي بكلمه واحدة ولكن في كل سطر لهذه الكلمة معنى مختلف وهذا به شبه لشعر العتابا وتنتهي هذه الابيات الثلاثة بعبارة اخيرة تسمى القفل واليكم نماذج من ذلك :-

انشدك عن شريج العكل ون صار
وما تدري عليه اشكثر ون صار
لون لي بالعشيرة ربع ونصار
لجان ادعوا وياك بيك

الحظ المعنى الاول لكلمة ونصار : ((وين صار : اين صار ))
المعنى الثاني لنفس الكلمة : ون صار ((ون من الانين ..اي صار عليه انين وحزن ))
المعنى الثالث لنفس الكلمة وانصار (( اي انصار ينصرونه ويعينوه))

يكلبي بيش اخيطنك والحماك
يجيك الهضم من دمك ولحماك
ولاواحد شكف دونك ولا حماك
شما اسوي اهم عدوان اليه ..

شاركونا :P :P :D :D :lol: :lol:

**سلام العالي** · 06-17-2006, 08:23 AM

عليك العين اعذرها من الشف ( حينما تجف )
لأن بجفاك هاكطعت من الشف ( من الرؤيا والنظر )
لون الشف كَرب خايب من الشف ( الغطاء قرب الغطاء )
يرد ماي النظر والشوف اليه

---------------------------
وحك مكه وشبل حيدر وموسه
الهوه تذبح سجاجينه وموسه
حبيبي لو لزم جرحي ومسه
ايده بنسلين اتصير اليه

الوم ولايفيد وياك لوماي
ولا ساعه افطنت عن بعد لوماي
سكيتك زهر بالجفنين لو ماي ..
علامك تدس ليه اسموم حيه

الكلب رادك يخللي وانته رامه
والك مرعه بدليلي وانته رامه
يهي يالله انتكابل ونترامه
ابحجر والطكتين اتصير بيه

**سلام العالي** · 06-17-2006, 08:24 AM

ونهار
تراكم عسكر همومي وطاح ونهار
وعليك الدمع يجري سيول ونهار
على مصابك انوحن ليل ونهار
ولظل أمحب لمن تدنى المنية
---------------------
ونهار
تراكم عسكر همومي وطاح ونهار
وعليك الدمع يجري سيول ونهار
على مصابك انوحن ليل ونهار
ولظل أمحب لمن تدنى المنية
---------------------
يكاس العمر ماظــلت وشل بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه
......................................
همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه
.......................................
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه

**سلام العالي** · 06-17-2006, 08:30 AM

زماني جرد اسيوفه وسنها
عليه او حرمت عيني وسنها
وحك الي فرض خمسه وسنها
بعد هيهات عيش ايصير الية
------------------------------

دمعتــي أربــع مناشف منشفتهــا ( لم تنشفها )
بعد ونصاب عقلي من شفتهـــــــا ( عندما رأيتها )
دنيت وخذت بوسه من شفتهــــــا ( من فمها )
بتت وصبحت وشفافي نديه ( اي لاتزال شفتي رطبه )

عليل ومعرفت علتي من شفاي ( مرضي من شفائي)
وطيبن لو كَرب شفك من شفاي ( اصبحت الأغطيه متقاربه الشف قرب الشف )
طبت لمن خذت رشفه من شفاي ( من شفتي )
يصير شفافي صارن صيدليه
---------------------------------------------------
يكلبي بيش اخيطنك والحماك
ولاواحد شكف دونك ولاحماك
يجيك الضيم من دمك ولحماك
وشماخاويهم اهم عدوان اليه
---------------------------- B) :unsure:

**سلام العالي** · 06-17-2006, 08:32 AM

احبابي شلون حالتكم بعدنه
شبدينه والوكت عنكم بعدنه
جان انتم نسيتونه بعدنه ..
بذجركم كل صباح وكل مسيه

اطروشك كمت اناشدهه واسلهه
بجفاك اتهل دمه عيني وسلهه
سكم منك لفه عامي وسلهه..
ولايبره الالم بجفاك اليه ...

ال اكتب عتب للدهر وانضم
صديج البنوايب راح وانضم
الليالي ماتعيد الضاع وانضم
وادور اعله الاخو الضاع من اديه

دليلي امصوب او محتار بلهام
برزية كربله ماركن بلــــــهام..
اخوي احسين صابه الحجر بلهام
وطاح من المهر فوك الوطية ...

**سلام العالي** · 06-17-2006, 08:33 AM

سُواجي الْهم رُوَت دلالِي يوماي
وانا لدهري علَيَّه بضيم يوماي
دِنَى حيني وغدى هاليوم يوماي
وإلك يالْمهدي أذكر هالوصيه
**************

لأم البنين عليها السلام :

بنينــﭻ طاحوا عْله الـﮕـاع يَمهُم
وْيُوْم اِلْهُمْ أبَدْ مَاصَار يُمهُم
وسَف وِحْسين عالتربان يَمهُم
ذبيح وضَمَّه تابوت الْمنيه

****************

الدهر مرمرنِي لاسبه وداعي
بنيني راحوا ورادوا وداعي
وعليهم ﮔـلبي يتحسر وداعي
أوالِمهُم واﮔـلهم شلِّي بِيّه

***************

الْهضم يهل الوفه علّيَّه تِراكَم
نسيتونِي وسط هَمي تَراكُم
يريت الساعه بس عيني تراكُم
واشاهدكم يفرسان الْحميه

**************

أون وانْحب واجر هَم بأثَرهَم
ضحايا الطف يريت الْحـﮓ بثرهم
وسف راحوا بـﮕـطع هام بثرهم
ويريت اوياهم اخذتني الْمنيه

************

**سلام العالي** · 06-17-2006, 08:35 AM

أنا ذلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــلون بيه

يدنيا انتي ابعذابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه

يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه

أحبابي اشلون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

**سلام العالي** · 06-17-2006, 08:37 AM

أحبابي شلون حالتكم بعدنا
اشبدينا والوقت عنكم بعدنا
إذا انتم نسيتونا ترانا بعدنا
نذكركم كل صباح وكل مسيه
---------------------
اضل ديوان للصحبان وانضاف
وكلبي ابيض مثل الكطن وانضاف
عدوي ما يهمني شكال وانضاف
بكلامة وحجية وشلفق علية

العسل بالريج ليش يصير شراي
واخاف يعم على المخلوك شراي
اليعامل جذب ليش يصير شراي
وانة الشراي فلا يرضون بية

ريت الموت الي ابهالحال يدنة
نموت ولا نمد للغير يدنة
لاسيد واكول بجاه يدنة
شكل للناس لو مديت ادية

علي طاك الزمان ارداف والحاك
شلون اتبع ورة اليمشون والحاك
زمان الضاع بيه الصدك والحاك
مصادف راح بيه الشوف الية

وحك المصطفى وحيدر ولحسان
ربعي انكرو كل طيبي ولحسان
هود ياكلب واصبر ولحسان
اترك خوة الذاتة ردي

اشوحشك ياكلام النذل وارداك
وبحري مايكيشة طرف مرداك
حلاتك ضيف من تنضاف مرداك
وتعد نفسك من ارجال البهية

**سلام العالي** · 06-17-2006, 08:38 AM

الج بس انتي گلبــــــــــــي .. ورجيته

ودمع العـــــــــين يمـــــــــــــــچ .. ورجيته

ابتعد كلمــــــــــــــــــــن نخيته .. والرجيته

ولا واحــــد اجانــــي وحــــــــــــــــن عليه

هي ترد عليه

رعيتك ليش گلبـــــــــك .. ما رعاني

ويهمــــك فت دليلـــــــــــــي .. وما رعاني

مره احبس بدمعــــــــــــــي .. ومره اعاني

ومره اتطيح روحي ابين اديــــــــــــــــــــه

فيقول لها

عليّ ثوب الونــــين اشكثـــــر .. حالي

شباب وهل شبت مـــــــــــــــن دون .. حالي

انشدچ على احوالچ مثــــــــــــــــــل .. حالي

طايــــــــح والهموم اتشيل بيـــــــــــــــــــــه

لترد عليه

هجرك ياولف صايــــــــر .. بلا حد

مثــــل سيف اليگص رگبــــــــه .. بلا حد

رحت وآنه انتظـــر ترجــــــــــع .. بالاحد

اجه الاحـــــد ويمتــــــه اتعود اليـــــــــــه

هو يجيبها

احد سچين صبري وچــن .. ولاحد

التفت وما شفــــت ربعـــــــــي .. ولا حد

شچم سبت اليمــــــــر بيــــــــه .. والاحد

اجي بس شوفتــــــــــچ تصعب عليـــــــه

هي ترد عليه

لتهم بالعمر خلصـــان .. وحـــــده

وأنا ضعني سرى بالهــــوى .. وحــــــده

حلت جنها بعيونـــــك غير .. وحــــــــده

وگمت لاتسأل ولاتمـــــر بيــــــــــــــــــه

هو يجاوبها

غيرچ ماحلى ابعينـــــي .. ولاطاب

ولا دونچ دخل گلبــــــــــــــي .. ولاطاب

يجرحي وياچ ماهَّــــــــــــود .. ولاطاب

دم ينزف ولا تدريــــــــن بيـــــــــــــــــه

وهي ترد عليه

محبتك تجري وي روحي .. ويدماي

وعليك انشلت اعظامــــــــــــي .. ويدماي

انچويت أبأيـــــــــد أنا نــــاري .. ويدماي

ولكن مـــــن يطابگهــــــــن سويــــــــــــه

فيجاوبها ويقول لها

عليچ الروح راحــــت .. من يردهه

أوكيحه اهمومي صــــــارت .. من يردهه

خطيه الروح ملـــــــــــــــت .. من يردهه

لأن بس الصبر لبــــــــــــس العليــــــــــه

**سلام العالي** · 06-17-2006, 08:40 AM

منو بعدك حبيبي انخة انة
عزيز بكلب محبوبة وان خانة
علي والعباس اامتي انخة انة
يحن كلبك يهالجاسي علية

احزانك يلزمن سل ترة سلتنة
حتى من الحديد خيوط سلتنة
وجزنة من العنب انريد سلتنة
نريد الشباب الراح الايام مكضية

يكلبي منين هالحسرة والم بيك
كضيت العمر مطشر والم بيك
يفلان ارحم بكلبي الي ولم بيك
بعدت وشما بعدت تاليك الية

انثر زهور ودمع بجيتك وورود
اهدي عيوني الك والعمر باقة ورود
ما اعطش بدنيتي من حبك وردت ورود
حبك واحتي ونهران الية

بامانة الله عفت روحي وديعة
يبو لسان الحلو وروحة الوديعة
من اوصاف الكرم رد الوديعة
ولون رديتهة حياتي تعود الية

**سلام العالي** · 06-17-2006, 08:42 AM

عليه ثوب الونين شكثر حالـــــــــــــــــــــــــــــي
شباب وهل شبت من دون حالـــــــــــــــــــــــــي
اسئلك عن احوالك مثل حالـــــــــــــــــــــــــــــــي
انه طايح والهموم اشيل بيه *
********************
سبع سنين وصلك جنت بس عود
وهسه اني من الهجران بس عود
دكافي ياشريك العكل بس عود
ترة من تعود روحي ترد اليه*
*********************
يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه

************************************

يروحي لليودج حيل وديه
اله حني وجثير الشوك وديه
علي واجب لزوم اكضيه وديه
الك يلي كثر فضلك عليه